KOCHA wa African Lyon, Charles Otieno, amesema amekipika vizuri kikosi chake kuhakikisha kinaibuka na ushindi kitakapoumana na Yanga Jumamosi katika pambano la Ligi Kuu Bara.
Otieno ameliambia BINGWA kuwa anaifahamu Yanga kama miongoni mwa timu imara katika Ligi Kuu, lakini kutokana na maandalizi ya uhakika aliyoyafanya anaamini atavuna pointi tatu kwenye mchezo wao huo.
“Tutahakikisha tunawafunga Yanga nakujiongezea pointi zitakazotufanya tupande juu, nina kikosi imara chenye uwezo wa kuifunga timu yoyote,” alisema Otieno.
Kuelekea mechi hiyo, Otieno alisema kikosi chake kitarejea mazoezini leo kwenye Viwanja vya Leaders kujiandaa na mchezo huo.
Lyon ililazimishwa suluhu na Azam FC katika mchezo wake uliopita uliopigwa kwenye Uwanja wa Uhuru jijini Dar es Salaam.
Post a Comment